anavos

Uraziun

Uraziun:

BibelundKanzelCastrisch

Segner, nies Deus, las generaziuns vargan ina suenter l’autra. E nus, o Segner, nus sesanflein tuts enamiez quei flum dalla vargheivladad. Ti denton, ti vargas buca. Tiu reginavel ei perpetens. E ti has tarmess a nus tiu Fegl, per che nus vegnien buca stermentai dalla vargheivladad e dalla mort, mo haveien fidonza en tei ed ella forza da tiu spert.

Pertgei ti eis nies Scaffider e nies Bab. Ti meinas e portas nus cun tiu nunveseivel maun. Ti gidas nus en nossas misergias, conforteschas e legras nus ord tia carezia. Ti vul esser en tutta vargheivladad in refugi ed ina patria.

Perquei vegnin nus era en quei gi da cumiau tier tei e rughein tei: Gida nus, che nus seremetteien en tia voluntad, che nus encurien tei e tia carezia.

Liturgia (pagina 107), 1979

ima