anavos

Ils giuvnals eran puspei radunai

DSC08420

 

„Suenter il sabat, sill’alva digl emprem gi dalla jamna, ein Maria Magdalena e l’autra Maria idas a visitar la fossa. E pren mira, cheu ei vegniu in grond tiaratriembel, pertgei in aunghel dil Segner ei descendius da tschiel, vegnius neutier, ha ruclau naven il crap ed ei sesius sin quel. E sia cumparsa era sco in cametg e sia vestgadira alva sco la neiv. Per tema dad el han las guardias tremblau, ed els ein vegni sco morts. Mo igl aunghel ha priu il plaid e getg allas dunnas: Vus buca temei! Jeu sai gie che vus encuris Jesus, il crucifitgau. El ei buca cheu, mo ei leventaus, sco el ha getg. Vegni e mirei il liug, nua ch’el ei schischius.” (Matteus 28, 1-6).

Jesus Cristus ei levaus

„La mort ha buca pli pussonza sur dad el” (Roma 6, 9). Sia levada ei l’entschatta dalla scaffiziun nova (Register Tom I, pagina 44-46, manuscrit). La damaun dil tierz gi ei Jesus levaus gloriusamein da mort en veta. Siu tgierp e sia olma ein uss’ uni per adina ed ein empleni da gloria celestiala. Siu tgierp ei vegnius transfiguraus, sia olma gauda legria nundetga. El ei comparius a ses apostels, mo buca seconversaus cun els sco antruras duront sia veta mortala. Jesus Cristus ei levaus da mort en veta cun atgna pussonza, el ei il Fegl da Deus ed ha pussonza divina. El ei denton era veramein carstgaun, perquei gi la sontga Scartira en bia loghens ch’el seigi vegnius „levantaus” dils morts. Entras la levada ei Jesus vegnius glorificaus…Sia levada dat a nus la segironza ch’era nus vegnien a levar da mort en veta. „El vegn a midar nies pauper tgierp conform a siu tgierp transfigurau” (Phil. 3, 21).

La levada da Jesus ha segiras perdetgas

Tumasch, in dils dudisch, veva buca cartiu che Jesus seigi levaus dils morts e seigi comparius als auters apostels. Otg gis suenter la levada eran , e Tumasch era cun els. Cheu vegn Jesus tras escha serrada, stat en lur miez e gi: „La pasch cun vus. Sco il Bab ha tarmess mei, tarmettel jeu era vus. Havend getg quei, ha el buffau sin els e getg ad els: retschevei sogn Spert (Gion 20, 21-22, Il niev testament ils psalms, 1954, Cuera)”. Lu gi el a Tumasch: „Metta en cheu tiu det e mira mes mauns! Tonscha tiu maun e metta el en mia costa e seigies buca nuncartents, anzi cartents! Tumasch ha rispundiu e detg: „Miu Segner e miu Diu!” Jesus gi ad el: „Perquei che ti has viu mei, eis ti vegnius cartents (creias ti). Beai ein quels che vegnan da crer, era sch’els vesan buc (e creian tonaton)” (Gion, 20, 24-29, Register Tom I, pagina 44-46, manuscrit)).

Per mia veta: „ Quel che ha levantau Niessegner Jesus vegn era a leventar nus cun Jesus (2 Cor 4, 14). „Entras in carstgaun ei la mort vegnida, entras in carstgaun vegn la levada dils morts. Pertgei sco quei che tuts mieran enten Adam, aschia vegnan era tuts vivificai enten Cristus (1 Cor 15, 21).

Quel che ha leventau Niessegner Jesus vegn era a leventar nus cun Jesus (2 Cor. 4, 14).Plevon S. Jakab

DSC08419