anavos

Batten e confirmaziun

WP_20170403_18_10_02_Pro

Stefan Gabriel scriva

„La sontga Scartira muossa che Deus ha priu puccaus da nus, ha dau a nus siu Fegl ch’ei daventaus in ver carstgaun ed ha sprindrau nus cun sia mort. Quella scartira muossa che Deus dat a quels che dein vegnir salvs, il sogn Spert che lavura enten els tras udir il plaid da Deus, vera enconuschientscha da Deus, vera e viva cardientscha e sontgadad. Ella quala essan nus la semeglia de Deus, suenter la quala il carstgaun ei vegnius scaffius. Cun quella vera enconuschientscha da Deus pudeis vus survegnir la veta perpetna (Stefan Gabriel: Ord la prefaziun dil catechissem Ilg ver sulaz de pievel giuvan, Basilea, 1611).

Batten

Verset da batten:

„E pren mira, Jesus ei scuntraus ad ellas ed ha getg: Seigies salidadas! Ed ellas ein idas vitier, han pegliau per ses peis ed adurau el. Lu ha Jesus getg ad ellas: Buca temei! Mei e fagei a saver a mes frars ch’els deigien i ella Galilea, e leu vegnan els a ver mei” (Matteus, 28, 9-10).

„Mo Jesus ei vegnius neutier, ha plidau cun els e getg: A mi ei dada tutta pussonza en tschiel e sin tiara. Mei pia e gudignei per giuvnals tut ils pievels, battegei els el num dil Bab e dil Fegl e dil sogn Spert, e mussei ad els d’observar tut quei che jeu hai cumandau a vus. E mira, jeu sun cun vus tut ils gis tochen la fin dil mund” (Matteus 28, 18-20).

Confirmaziun 

Uss eis Ti recepida ella raspada cristiana dils carschi. Ti eis clamada da survir cun Tes duns alla cuminonza e da luvrar per la pasch en quest mund. Adina puspei astgas Ti seschar animar entras il survetsch divin e suandar l’invitaziun alla sontga tscheina. Ti has era il dretg (dad einmal streichen)dad esser madretscha a caschun d’in batten e da gidar ch’in affon vegni educaus el Spert da Cristus.

Cristus, il mussader dalla veta, vegn ad accumpignar Tei…

DSC05643